Lengjudeild kvenna: Telma Hjaltalín hetja FH

FH hefur náð mögnuðum árangri í Lengjudeild kvenna í ár en eftir fjórtán umferðir er liðið enn taplaust.

Liðið mætti Augnabliki sem er í 8. sæti deildarinnar, í Kaplakrika í kvöld. FH var mun betri aðilinn í fyrri hálfleik án þess þó að ná að skora, markalaust í hálfleik.

Herdís Halla Guðbjartsdóttir í marki Augnabliks átti frábæran leik.

Hún var hins vegar loks sigruð á 70. mínútu þegar Telma Hjaltalín Þrastardóttir var komin ein í gegn og setti boltann framhjá Herdísi.

Það reyndist eina mark leiksins. Hetjuleg barátta Augnabliks en FH enn ósigrað.