Fótbolti.net

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

„Það er ekkert lið á Íslandi svona gott"

„Ég skoraði nokkur svona á hana á Hlíðarenda"

„Mér finnst rauður fara henni betur"

Séra Davíð Þór fer yfir viðburðaríka mánuði í Skírisskógi - „Stórhættulegur brandari“

Enski boltinn - Horfðu á þáttinn í mynd

„Jói er Breti og ég elska Breta“

„Viðurkenni að það er erfitt að sjá eftir svona mörgum leikmönnum“

Evrópuævintýri Blika heldur áfram - „Tekur alltaf tíma að koma með nýjar áherslur“

„Segir ekki nei þegar Víkingur vill fá þig“

„Viljum ekki fylla í hópinn bara með hveiti heldur þurfum við einhver krydd“

Gummi Magg: Erum mættir til að skrifa söguna

Böddi um skiptin óvæntu: Var ekki í tilfinningalegu jafnvægi

Arnór Gauti: Mun aldrei gleyma lokaflautinu á Laugardalsvelli

Sameiningaviðræður ÍR og Leiknis: Sumir láta hreinlega tilfinningarnar ráða

Gylfi Tryggva: Höfum sótt einn leikmann innanlands og það var landsliðsmaður

Óskar Smári: Klúbburinn hefur þróast í rétta átt

Markadrottningin komin heim: Voru möguleikar úti en Breiðablik besti kosturinn

lau 13. apríl 2024 17:51

Sæbjörn Þór Þórbergsson Steinke

Elmar Atli: Ég hefði farið með sama hver það hefði verið

,,Ef þetta á að vera svona þá verður mikið um bönn"

Elmar í leiknum í dag.

Mynd: Fótbolti.net - Hafliði Breiðfjörð

Sannur fyrirliði.

Mynd: Fótbolti.net - Hafliði Breiðfjörð

'Það myndu allir í liðinu gera þetta fyrir alla í liðinu held ég'

Mynd: Fótbolti.net - Hafliði Breiðfjörð

„Ég er svolítið svekktur með okkur eftir ágætan fyrri hálfleik. Við sköpuðum okkur kannski ekki mikið en vorum í góðu shape-i varnarlega. Við náum ekki að fylgja því eftir í seinni hálfleik, fáum mark á okkur snemma sem var ekki það sem við lögðum upp með. Það var blaut tuska í andlitið á okkur," sagði Elmar Atli Garðarsson, fyrirliði Vestra, eftir tap gegn Breiðabliki í 2. umferð Bestu deildarinnar.

Öll mörkin komu í seinni hálfleik.

Lestu um leikinn: Breiðablik 4 - 0 Vestri

„Við vissum að þeir myndu vera meira með boltann og kannski skapa sér meira en við. Við ætluðum að vera þéttir til baka og gerðum það vel í fyrri hálfleik. Við fáum fyrsta markið á okkur snemma í seinni og svo klaufalegt víti. Eftir það var þetta þungur róður."

Markatalan hjá Vestra er 0-6 eftir tvo leiki. „Við eigum helling inni. Við erum svolítið eftir á, eins og allir vita með aðstöðu og ég nenni ekki að tala um það, við getum tekið fullt jákvætt út úr fyrri hálfleiknum í dag."

„Við mættum bara ekki rétt gíraðir út í seinni hálfleikinn fannst mér, þetta var klaufalegt mark sem við eigum ekki að fá á okkur, vorum að loka vel á þetta í fyrri hálfleik. Aulaskapur í rauninni."

Elmar sagðist ekki hafa séð atvikið vel þegar Elvar Baldvinsson fékk rautt spjald. „Eins og þessi lína er þá verður mikið af spjöldum í leikjum hjá okkur. Ég er búinn að brjóta tvisvar af mér í fyrstu tveimur leikjunum og er kominn með tvö gul spjöld. Ef þetta á að vera svona þá verður mikið um bönn."

Elmar var í lok viðtals spurður út í atvik í liðinni viku þar sem hann fór með liðsfélaga sínum, Sergine Fall, frá Hólmavík til Reykjavíkur eftir að bíllinn sem Fall var í hafði oltið.

„Nei nei, aldrei spurning um að fara með, sama hver það hefði verið í liðinu, ég hefði alltaf farið með honum. Eins og hefur komið fram þá erum við mjög nánir [kom fram í viðtali á Vísi] og ekki spurning - ég hefði gert það fyrir hvern sem er í liðinu."

„Þetta eru allt toppmenn og mér þykir vænt um þá alla. Það myndu allir í liðinu gera þetta fyrir alla í liðinu held ég," sagði Elmar að lokum.