„Það er óskiljanlegt rugl, ef rétt reynist, að KSÍ ætli að Covid-banna öllum fjölmiðlum, nema einum, að taka viðtal við þjálfara/leikmenn eftir fótboltaleiki," skrifar Gunnar á Twitter.

„Meira að segja Almannavarnir heimila öðrum fjölmiðlum en Birni Inga á Viljanum að sækja þeirra fundi."

„Ég held að þarna c ÍSÍ með allt niðrum sig, að setja handahófskennd og þrengri skilyrði en heilbrigðisyfirvöld er að fara fram á. Það á að ganga í þetta og leiðrétta þetta bull."

Ekki hefur verið gefið út af KSÍ hvort fjölmiðlaviðtöl (önnur en hjá Stöð 2 Sport í Pepsi Max-deildinni) verða bönnuð eftir leiki en búast má við leiðbeiningum frá KSÍ í dag. Yfirvöld hafa ekkert gefið út um það að viðtöl eigi að vera bönnuð.

„Með enga áhorfendur er umfjöllun fjölmiðla enn mikilvægari en nú mega bara rétthafar taka viðtöl eftir leiki en ekki Fótbolti.net sem er eini fjölmiðiðillinn sem hefur sinnt Lengjudeildinni. Er eitthvað líklegra að smitast frá .net en Stöð2Sport?," skrifaði Þorsteinn Haukur Harðarson, framkvæmdastjóri Víkings í Ólafsvík, á Twitter í gær.