Í dag var landsliðshópur Ganverja fyrir HM í Katar opinberaður. Gana er með Portúgal, Suður-Kóreu og Úrúgvæ í H-riðli.

Otto Addo er þjálfari liðsins og hafði hann úr flestum af sínum bestu mönnum að velja. Hann gat þó ekki valið markvörðinn Jojo Wollacott vegna meiðsla. Wollacott varði mark liðsins í umspilsleikjunum fyrir mótið og í öllum þremur leikjunum á Afríkumótinu í janúar. Hann meiddist á fingri í upphitun fyrir leik Charlton og Burton á laugardag.

Thomas Partey hjá Arsenal er stærsta nafnið í hópnum og svo kannast margir við Ayew bræður, þá Andre og Jordan - Andre er fyrirliði liðsins. Tariq Lamptey, Daniel Amartey og Mohamed Salisu eru hinir þrír leikmennirnir úr ensku úrvalsdeildinni og

Inaki Williams hjá Athletic Bilbao er á meðal sóknarmanna. Inaki kaus að spila fyrir Gana þrátt fyrir að hafa árið 2016 spilað landsleik fyrir Spán. Jeffrey Schlupp fær hreinlega ekki kallið frá Addo.