Það hefur verið í gangi rannsókn á málinu síðan og hefur Gylfi þurft að sæta farbanni á meðan. Hann hefur ekki mátt yfirgefa England í eitt ár núna.

Síðast var farbann Gylfa framlengt til 16. júlí, sem var í gær. Síðan hefur ekkert verið gefið út um að það verði framlengt frekar. Lögreglan hefur ekkert gefið út enn sem komið er og spurning hvað gerist. Það hlýtur að fara að fást einhver niðurstaða í þetta mál.

Gylfi spilaði ekkert fótbolta á síðustu leiktíð og er hann án félags eftir að samningur hans við Everton rann út.

Gylfi sást í fyrsta sinn opinberlega frá handtöku sinni á leik Íslands og Ítalíu á Evrópumótinu á dögunum. Þar sá hann frænku sína, Karólínu Leu Vilhjálmsdóttur, skora fyrir Íslands hönd.

Hafliði Breiðfjörð, framkvæmdastjóri Fótbolta.net, var með myndavélina á leiknum og náði nokkrum myndum af Gylfa sem fylgja með þessari frétt.

Leikurinn endaði með 1-1 jafntefli og er Ísland með tvö stig eftir tvo leiki.