Síðan Rangnick tók við hefur liðið unnið fjóra leiki, gert þrjú jafntefli og tapað einum leik. Liðið situr í sjöunda sæti deildarinnar fimm stigum frá West Ham sem situr í 4. sæti og 11 stigum á eftir Chelsea sem er í 3. sæti.

United á þó tvo leiki til góða á bæði lið.

Liðið gerði 2-2 jafntefli gegn Aston Villa í síðustu umferð eftir að hafa komist í 2-0 en Sæbjörn Steinke og Sigurður Gísli Bond stuðningsmenn United veltu fyrir sér hvort Rangnick væri rétti maðurinn fyrir félagið í hlaðvarpsþættinum Enski Boltinn.

Sigurður sagðist vilja fá Ten Hag í sumar en hann hefur verið að gera góða hluti með Ajax síðustu ár.

„Man Utd voru miklu skemmtilegri þegar Solskjær var með þá, ég væri alveg til í að fá þann meistara aftur," sagði Sigurður og Sæbjörn tók undir það.

Arnór Gauti Ragnarsson var einnig gestur í þættinum en hann styður Southampton. Hann velti fyrir sér hvort þeir hefðu áhuga á því að fá Wayne Rooney en þeir töldu hann ekki klárann í verkefnið strax.