Endrick er talinn efnilegasti leikmaður sem hefur komið frá Brasilíu síðan Neymar kom fram í sviðsljósið.

Þessi 18 ára framherji vann fimm titla með Palmeiras áður en hann gekk í raðir Real Madrid í sumar.

Hann hefur komið með sterka innkomu af bekknum og átti hann eina slíka í 3-1 sigrinum á Stuttgart í gær, en hann skoraði þriðja markið í uppbótartíma.

Endrick varð um leið yngsti markaskorari Real Madrid í Meistaradeildinni.

Brassinn hefur aðeins spilað 23 mínútur í fimm leikjum á þessu tímabili og þegar kominn með tvö mörk.