Logi Ólafsson var ánægður með stigið eftir 2-2 jafntefli gegn Íslandsmeisturum FH í kvöld.
Lestu um leikinn: FH 2 - 2 Víkingur R.
„Núna erum við í áttunni sko. Við vorum ekki góðir í fyrri hálfleik og vildum ekki halda boltanum og þeir voru betri en við þá en við höfum sýnt það af okkur áður að við getum komið hressir til baka þrátt fyrir að lenda undir og við gerðum það aftur í dag,“ sagði Logi eftir leikinn. Aðspurður hvort hann væri ekki sáttur með stig játti hann því. „Ég er það alveg og frammistaða liðsins í dag er góð og fyrirfram er það gott að fara héðan með eitt stig og við reyndum að þétta raðirnar en fáum samt á okkur tvö mörk.“
FH-ingar voru ósáttir með víti sem Víkingur fékk. „Ég hefði dæmt víti sko,“ svaraði Logi þegar hann var spurður um málið.
Dofri Snorrason fór meiddur af velli, kom aftur inn á, gaf víti og var síðan skipt út af stuttu síðar. „Ég veit ekkert hvort það hafi verið mistök. Dofri treysti sér til að halda áfram og var búinn að spila vel í leiknum, þá er engin ástæða til að taka hann af velli. Hann er hraustur. Dúklagningamaður sem er mikið á hnjánum,“ sagði gleðigjafinn Logi Ólafsson.
