Rakel Hönnudóttir stekkur hæst allra og fagnar marki með Íslandi í dag.
Rakel Hönnudóttir var fersk og kát eftir sigurinn magnaða gegn Þýskalandi.
Lestu um leikinn: Þýskaland 2 - 3 Ísland
„Ég er mjög stolt. Liðið stóð sig frábærlega í dag," segir Rakel sem er komin aftur í hægri bakvörðinn.
„Ég spilaði vængbakvörð í dag og mér leið mjög vel. Ég var orðin þreytt í lokin en maður þarf að leggja á sig til að ná sigri á móti svona liði."
Var það skipulagið og baráttuviljinn sem skóp sigurinn?
„Við höfum æft mjög mikið og það vissu allir sitt hlutverk og hvað átti að gera. Þess vegna unnum við. Við bárum virðingu fyrir þýska liðinu en ekki of mikla."
Sjáðu viðtalið í heild í sjónvarpinu hér að ofan.
