Klukkan 20:15 hefst viðureign Manchester United og Burnley á Old Trafford. Leikurinn er í beinni útsendingu á Síminn Sport.

Burnley vann sterkan sigur á Leicester á sunnudaginn á meðan United tapaði gegn Liverpool, 2-0 á Anfield.

Ole Gunnar Solskjær, stjóri United, gerir tvær breytingar á liði sínu frá tapinu gegn Liverpool. Juan Mata kemur inn fyrir Luke Shaw og Phil Jones byrjar í stað Victor Lindelöf sem er veikur. Mason Greenwood var talinn líklegur að fá tækifærið í byrjunarliðinu í fjarveru Marcus Rashford en Greenwood byrjar á bekknum í kvöld.

Sean Dyche, stjóri Burnley, gerir eina breytingu frá sigrinum á Leicester. Matthew Lowton byrjar í hægri bakverði í stað Phil Bardsley. Jóhann Berg Guðmundsson var sagður eiga möguleika á að vera í hópnum hjá Burnley í kvöld en hann hefur glímt við meiðsli. Jói er ekki á bekknum í kvöld.

Byrjunarlið Manchester United: De Gea, Wan-Bissaka, Maguire, Jones, Williams, Pereira, Matic, Fred, James, Mata, Martial.

(Varamenn: Romero, Dalot, Bailly, Shaw, Lingard, Gomes, Greenwood. )

Byrjunarlið Burnley: Pope, Lowton, Tarkowski, Mee, Taylor, Hendrick, Cork, Westwood, McNeil, Wood, Rodriguez.

(Varamenn: Hart, Brady, Pieters, Lennon, Vydra, Long, Goodridge. )

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit