Unai Emery, stjóri Arsenal, vill að varnarmaðurinn Shkodran Mustafi og miðjumaðurinn Mohamed Elneny finni sér ný félög áður en félagaskiptaglugginn í Evrópu lokar þann 2. september.
Leikmennirnir hafa ekki komið við sögu í fyrstu leikjum tímabilsins og eru ekki í áætlunum Emery.
„Elneny og Mustafi vita stöðu sína í hópnum og ég vil að leikmenn séu ánægðir hér. Ég vil að leikmennirnir séu þátttakendur hér," sagði Elneny.
„Á síðasta ári voru Mustafi og Mo ekki ánægðir þegar þeir voru ekki að spila."
„Ég talaði við þá oft á síðasta tímabili og á undirbúningstímabilinu og ég held að það sé jákvætt fyrir þá að fara í annað félag þar sem þeir geta verið þátttakendur, verið ánægðir og haldið áfram með feril sinn."
Athugasemdir