England: Foden reyndist hetja Man City

Phil Foden var hetja Manchester City þegar liðið lagði Bournemouth á útivelli í kvöld.

Foden skoraði eina mark leiksins á 24. mínútu þegar hann fylgdi eftir skoti Erling Haaland sem Beto markvörður Bournemouth varði út í teiginn.

Dominic Solanke var nálægt því að jafna metin í síðari hálfleik þegar hann átti skalla að marki en Ederson náði að bjarga á marklínu.

Enes Unal kom inn á sem varamaður og hefði getað tryggt Bournemouth stig á lokamínútu venjulegs leiktíma en boltinn fór rétt framhjá markinu.

Bournemouth var líklegri aðilinn í uppbótatímanum og Solanke fékk síðasta færið þegar hann átti bakfallsspyrnu en hann hitti boltann illa og hann fór vel framhjá markinu.