Síðasta umferð tímabilsins á Ítalíu fer fram um helgina og er gríðarleg eftirvænting þar sem enn er hart barist um mikilvæg sæti.
Juventus er búið að tryggja sér titilinn, en það eru þrjú lið að berjast um tvö Meistaradeildarsæti og fjögur lið í fallhættu.
Fallin lið Frosinone og Chievo eigast við í fyrsta leik helgarinnar, áður en Bologna mætir Napoli í hörkuleik. Bologna hefur verið að gera góða hluti undir stjórn Sinisa Mihajlovic og er liðið búið að bjarga sér frá falli. Napoli er öruggt í öðru sæti.
Á sunnudaginn berjast Torino og Lazio um sjöunda sæti deildarinnar í innbyrðisviðureign áður en Sampdoria mætir Juventus í þýðingarlitlum leik.
Síðustu sex leikir tímabilsins fara svo af stað samtímis á sunnudagskvöldið og verða þrír þeirra sýndir beint. Þar er áhugaverðast að fylgjast með viðureign Inter og Empoli, sem eru bæði að berjast fyrir lífi sínu. Inter í Meistaradeildinni og Empoli í Serie A.
Nágrannaliðin Atalanta og AC Milan eru í baráttu um Meistaradeildarsæti og eiga leiki við Sassuolo og Spal í beinni útsendingu.
Það eru miklir baráttuleikir sem verða ekki sýndir beint hér á landi. Einn þeirra er á milli Fiorentina og Genoa, þar sem Fiorentina getur fallið úr Serie A í fyrsta sinn síðan 2002. Genoa þarf helst sigur til að bjarga sér en gæti nægt jafntefli ef Empoli fær ekki stig gegn Inter.
Cagliari og Udinese eigast þá við. Udinese er enn í fallhættu og hefur Emil Hallfreðsson komið við sögu í tveimur af síðustu þremur leikjum liðsins.
Að lokum er viðureign Roma og Parma á dagskrá. Rómverjar eru búnir að missa af Meistaradeildarsæti á markatölu og nýliðar Parma búnir að bjarga sér frá falli.
Laugardagur:
16:00 Frosinone - Chievo
18:30 Bologna - Napoli (Stöð 2 Sport)
Sunnudagur:
13:00 Torino - Lazio (Stöð 2 Sport 3)
16:00 Sampdoria - Juventus (Stöð 2 Sport 3)
18:30 Atalanta - Sassuolo (Stöð 2 Sport 2)
18:30 SPAL - AC Milan (Stöð 2 Sport 3)
18:30 Inter - Empoli (Stöð 2 Sport 5)
18.30 Fiorentina - Genoa
18:30 Cagliari - Udinese
18:30 Roma - Parma
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 37 | 27 | 5 | 5 | 86 | 32 | +54 | 86 |
| 2 | Napoli | 37 | 22 | 7 | 8 | 57 | 36 | +21 | 73 |
| 3 | Roma | 37 | 22 | 4 | 11 | 57 | 31 | +26 | 70 |
| 4 | Milan | 37 | 20 | 10 | 7 | 52 | 33 | +19 | 70 |
| 5 | Como | 37 | 19 | 11 | 7 | 61 | 28 | +33 | 68 |
| 6 | Juventus | 37 | 19 | 11 | 7 | 59 | 32 | +27 | 68 |
| 7 | Atalanta | 37 | 15 | 13 | 9 | 50 | 35 | +15 | 58 |
| 8 | Bologna | 37 | 16 | 7 | 14 | 46 | 43 | +3 | 55 |
| 9 | Lazio | 37 | 13 | 12 | 12 | 39 | 39 | 0 | 51 |
| 10 | Udinese | 37 | 14 | 8 | 15 | 45 | 47 | -2 | 50 |
| 11 | Sassuolo | 37 | 14 | 7 | 16 | 46 | 49 | -3 | 49 |
| 12 | Torino | 37 | 12 | 8 | 17 | 42 | 61 | -19 | 44 |
| 13 | Parma | 37 | 10 | 12 | 15 | 27 | 46 | -19 | 42 |
| 14 | Genoa | 37 | 10 | 11 | 16 | 41 | 50 | -9 | 41 |
| 15 | Fiorentina | 37 | 9 | 14 | 14 | 40 | 49 | -9 | 41 |
| 16 | Cagliari | 37 | 10 | 10 | 17 | 38 | 52 | -14 | 40 |
| 17 | Lecce | 37 | 9 | 8 | 20 | 27 | 50 | -23 | 35 |
| 18 | Cremonese | 37 | 8 | 10 | 19 | 31 | 53 | -22 | 34 |
| 19 | Verona | 37 | 3 | 12 | 22 | 25 | 59 | -34 | 21 |
| 20 | Pisa | 37 | 2 | 12 | 23 | 25 | 69 | -44 | 18 |
