| lau 25. maí 2019 16:54 |
|
England: Tranmere upp um deild annað árið í röð
Ross Joyce dómari sýndi takta og gaf 'no-look' rautt spjald. Hann hefur viljað sýna sig fyrir Mike Dean sem er þekktur fyrir takta á flautunni.
0-1 Connor Jennings ('119)
Rautt spjald:
Tranmere Rovers afrekaði það að komast beint upp úr ensku D-deildinni á sínu fyrsta tímabili eftir að hafa komist upp úr utandeildinni.
Tranmere mætti Newport County í úrslitaleik umspilsins til að komast upp í C-deildina og var staðan markalaus eftir venjulegan leiktíma. Mark O'Brien, varnarmaður Newport, fékk sitt annað gula spjald á 89. mínútu og framlengingin því spiluð 10 gegn 11.
Tranmere fann ekki mikið af glufum og stefndi í vítaspyrnukeppni en Connor Jennings náði að koma knettinum í netið á lokamínútunum. Jennings, sem leikur á vinstri kanti, fékk góða fyrirgjöf frá Jake Caprice og skoraði með skalla.
Mike Dean, úrvalsdeildardómari, er mikill stuðningsmaður Tranmere og var í miklu stuði í stúkunni eins og oft áður á leikjum liðsins. Þetta er frábær sigur fyrir Tranmere og sögulegt afrek.
Athugasemdir
Nýjustu fréttirnar
