Brasilíski leikmaðurinn Willian gæti verið áfram hjá Fulham á næsta tímabili en þetta segir Fabrizio Romano í dag.
Willian, sem er 34 ára, kom til Fulham á frjálsri sölu í september á síðasta ári og gerði þá eins árs samning við félagið.
Í þeim 26 deildarleikjum sem hann hefur spilað hefur honum tekist að koma að tíu mörkum.
Fulham er nú í viðræðum við leikmanninn um að framlengja samning hans um eitt ár en félagið mun þó fá samkeppni.
Það er mikill áhugi á Willian, bæði í Evrópu og frá liðum í Sádi-Arabíu en framtíð hans mun ráðast á næstu vikum.
Athugasemdir
