Draumurinn að auka við læsi heima fyrir
Wilfred Ndidi er 22 ára miðjumaður Leicester City í ensku úrvalsdeildinni. Hann er full meðvitaður um það að lífið er ekki einungis fótbolti og er í námi meðfram því að leika í úrvalsdeildinni.
Ndidi kom til Leicester frá Genk árið 2017 og hefur fest sig í sessi í byrjunarliði Leicester. Hann var í liði Leicester og skoraði mark liðsins þegar það gerði 1-1 jafntefli gegn Chelsea um síðustu helgi en lék ekki með liðinu í gær í 1-2 útisigri á Sheffield United.
Ndidi kom til Leicester frá Genk árið 2017 og hefur fest sig í sessi í byrjunarliði Leicester. Hann var í liði Leicester og skoraði mark liðsins þegar það gerði 1-1 jafntefli gegn Chelsea um síðustu helgi en lék ekki með liðinu í gær í 1-2 útisigri á Sheffield United.
Ndidi er í námi við De Montfort háskólann (DMU). Þar er hann að læra viðskipti og stjórnun.
Ndidi segist ekki hafa haft mikinn möguleika á því að mennta sig í Nígeríu þar sem hann er fæddur og uppalinn.
„Í Nígeríu fá ekki allir tækifæri til þess að ganga í skóla, ég vil heldur gera það en að sitja heima eftir æfingar. Mér finnst betra að mæta í DMU og fara í kennslutíma."
„Kennararnir sýna stöðu minni skilning og hjálpa mér mikið við námið þar sem ég skil ekki allt í náminu auk þess sem ég missi af einhverjum tímum vegna æfinga."
„Minn draumur er að hjálpa krökkum í Nígeríu við það að læra að lesa. Foreldrar hafa ekki efni á því að senda börn í skóla. Mig langar einnig að búa til knattspyrnuaðstöðu þar sem nemendur geta komið og stundað knattspyrnu meðfram námi. Mér finnst mikilvægt að fólk læri meira en bara það sem það gerir í daglegu lífi."
Athugasemdir
