Sandefjord, sem er í efstu deild, heimsótti Pors Grenland og vann þar sannfærandi sigur. Viking leikur einnig í efstu deild og vann sigur á Staal Jorpeland, 2-3. Samúel skoraði fyrsta mark leiksins á 25. mínútu leiksins.

Viðar Ari rak lokahnútinn á flottan sigur með því að skora fjórða mark liðsins. Lokatölur 1-4 fyrir Sandefjord sem er í 11. sæti norsku úrvalsdeildarinnar. Viðar Ari, sem er 27 ára, hefur átt flott tímabil með Sandefjord. Hann getur leikið sem bæði hægri bakvörður og kantmaður.

Samúel Kári er miðjumaður sem er 25 ára gamall. Hann hefur skorað þrjú mörk í deildinni fyrir Viking sem situr í 10. sæti.

Þeir voru ekki einu Íslendingarnir sem voru á skotskónum í norska bikarnum um helgina. Brynjólfur Andersen Willumsson skoraði þrennu fyrir sína menn í Kristiansund.