Grímsi skoraði beint úr aukaspyrnu
KA 2 - 1 HK
0-1 Bjarni Gunnarsson ('6)
1-1 Hallgrímur Mar Steingrímsson ('33)
2-1 Ásgeir Sigurgeirsson ('86)
0-1 Bjarni Gunnarsson ('6)
1-1 Hallgrímur Mar Steingrímsson ('33)
2-1 Ásgeir Sigurgeirsson ('86)
KA lagði HK í Lengjubikarnum í dag, liðin leika í riðli 1 í A-deildinni.
Bjarni Gunnarsson kom gestunum yfir í Boganum með marki eftir snarpa sókn á sjöttu mínútu leiksins. Hallgrímur Mar Steingrímsson jafnaði leikinn með marki á 33. mínútu beint úr aukaspyrnu - Arnar Freyr í marki HK stóð hreyfingarlaus í markinu, frábær spyrna.
Staðan var 1-1 í hléi en á 86. mínútu skoraði Ásgeir Sigurgeirsson það sem reyndist sigurmarkið. Ásgeir skoraði með skalla eftir hornspyrnu.
KA er með sex stig eftir þrjá leiki í riðlinum líkt og HK. Valur er einnig með sex stig en á leik til góða.
Athugasemdir
