Spánn: Sárt tap á heimavelli fyrir Villarreal

Villarreal tók á móti Rayo Vallecano í eina leik kvöldsins í efstu deild spænska boltans og þurfti sigur í baráttunni um Meistaradeildarsæti.

Villarreal átti flottan fyrri hálfleik en tókst ekki að skora og var síðari hálfleikurinn talsvert jafnari, þar sem gestirnir voru með yfirburði á löngum köflum.

Eina mark leiksins leit dagsins ljós á 70. mínútu þegar vörn Villarreal steinsofnaði og tók ekki eftir því að gestirnir tóku snögga aukaspyrnu. Camello slapp í gegn og tryggði Vallecano frábæran sigur.

Vallecano er óvænt í sjöunda sæti deildarinnar, með 29 stig eftir 19 umferðir, aðeins tveimur stigum eftir Villarreal sem er í Evrópusæti.