Austurríki 1-1 Ísland
1-0 Markel Sabitzer ('28)
1-1 Kolbeinn Sigþórsson ('46)
1-0 Markel Sabitzer ('28)
1-1 Kolbeinn Sigþórsson ('46)
Ísland mætti Austurríki í dag í vináttulandsleik en leikið var á Tivoli Stadium í Austurríki.
Það voru heimamenn sem byrjuðu betur og sköpuðu sér fleiri færi.
Markel Sabitzer átti skalla sem fór rétt framhjá markinu og Marc Janko komst einn gegn Hannesi í markinu en Hannes var fljótur af línunni og handsamaði boltann.
Viðar Örn Kjartansson var að spila sinn fyrsta landsleik og fékk hann fínt færi um miðjann hálfleikinn en Heinz Lindner í marki heimamanna varði frá honum.
Það voru síðan heimamenn sem komust yfir eftir 28 mínútur, Aron Einar Gunnarsson tapaði þá boltanum á miðjunni sem endaði með að Markel Sabitzer komst einn gegn Hannesi og kláraði vel.
Staðan var 1-0 í hálfleik en Íslendingar byrjuðu síðari hálfleikinn með látum og voru búnir að jafna á innan við mínútu.
Ari Freyr Skúlason tók þá aukaspyrnu á miðjum vallarhelmingi Austuríkismanna sem rataði beint á kollinn á Kolbeini Sigþórssyni sem kláraði með frábærum dýfuskalla í bláhornið.
Þetta var 14 mark Kolbeins í 22 landsleikjum.
Austurríkismenn voru ögn sterkari það sem eftir lifði leiks og sköpuðu sér fleiri færi í seinni hálfleiknum en lokastaðan var 1-1 sem verða að teljast fín úrslit hjá strákunum okkar.
Athugasemdir