Knattspyrnudeild Fjölnis er búið að ganga frá samningum við einn leikmann og tvo þjálfara fyrir meistaraflokk kvenna.
Sara Montoro, sem var valin efnilegust á lokahófi Fjölnis, skrifar undir samning við félagið en hún er aðeins á fimmtánda aldursári.
Sara skoraði 7 mörk í 12 leikjum í sumar og var það hennar fyrsta tímabil með meistaraflokk.
Arnar Páll Garðarsson hefur verið ráðinn sem aðstoðarþjálfari liðsins, en undanfarin fjögur ár hefur hann stýrt Vængjum Júpíters. Arnar Páll reiknar með að ljúka UEFA-A þjálfaragráðu snemma á næsta ári.
Þá hefur Axel Örn Sæmundsson skrifað undir framlengingu á sínum samningi. Axel var ráðinn sem markmannsþjálfari liðsins í fyrra og er mikil ánægja með hans störf.
Fjölnir endaði í 6. sæti í Inkasso-deild kvenna í sumar.
Knattspyrnudeild Fjölnis gekk nýverið frá samningi við Söru Montoro (2003) sem og aðstoðarþjálfara, @arnar9 , og markmannsþjálfara @axelsaemunds, hjá mfl kvenna fyrir komandi tímabil ⚽️ #Fotboltinet #FélagiðOkkar pic.twitter.com/Cx8NWzch6N
— Fjölnir FC (@Fjolnir_FC) October 14, 2018
Athugasemdir