Inter lagði AC Milan í nágrannaslag í Seríu A á Ítalíu í kvöld en eina mark leiksins kom undir lokin.
Leikurinn byrjaði ekkert sérlega vel fyrir Inter og eftir hálftímaleik þurfti Radja Nainggoalan að fara af velli vegna meiðsla eftir tæklingu frá Lucas Biglia.
Mauro Icardi kom boltanum í netið í fyrri hálfleik en markið var dæmt af vegna rangstöðu. Matias Vecino náði að snerta boltann og markið því dæmt af.
Icardi skoraði þó löglegt mark á endanum en undir lok leiks en þá misreiknaði Gianluigi Donnarumma fyrirgjöf frá hægri og Icardi tókst að koma knettinum í netið.
Lokatölur 1-0 en Inter er í þriðja sæti með 19 stig en Milan með 12 stig í 12. sæti.
Úrslit og markaskorarar:
Inter 1 - 0 Milan
1-0 Mauro Icardi ('90 )
Fiorentina 1 - 1 Cagliari
1-0 Jordan Veretout ('60 , víti)
1-1 Leonardo Pavoletti ('69 )
Athugasemdir