Virgil van Dijk.
Katia Aveiro, systir Cristiano Ronaldo, hefur látið Virgil van Dijk, varnarmann Liverpool, heyra það.
Van Dijk var í gær valinn næstbestur á Ballon D'or verðlaunahátíðinni á eftir Lionel Messi. Ronaldo var í þriðja sæti, en Van Dijk, sem hefur átt stórkostlegt ár með Liverpool, sagði um Ronaldo: „Kom hann til greina sem sigurvegari?"
Katia, systir Ronaldo, tók ekkert alltof vel í þetta og lét gamminn geisa á samfélagsmiðlinum Instagram.
„Kæri Virgil, það sem þú stefnir að, það hefur Cristiano gert þúsund sinnum," skrifaði Katia. „Sjáðu til, minn kæri Virgil, Cristiano Ronaldo var þrefaldur meistari í landinu sem þú hefur spilað í í mörg ár og ekki enn unnið titilinn."
„Cristiano Ronaldo var líka besti leikmaðurinn og markahæstur í landinu sem þú spilar í Virgil. Hann var líka yngri en þú."
„Svo, kæri Virgil, fór Cristiano Ronaldo á aðra staði og varð besti fótboltamaður sögunnar."
„Real Madrid, segir það þér eitthvað Virgil? Kannski, vegna þess að með þennan Cristiano gæa, þá vann Real Madrid þig og þitt lið í úrslitaleik Meistaradeildarinnar. Ronaldo hefur nú þegar unnið Meistaradeildina fimm sinnum."
„Og þessi gæi Ronaldo, og liðsfélagar, burstu ykkur Hollendinga í úrslitaleik Þjóðadeildarinnar. Var það erfitt Virgil? Við sýnum samúð."
„Og kæri Virgil, á einu slakasta ári ferilsins, þá hefur Cristiano unnið fleiri titla en þú. Stórkostlegt, er það ekki?"
„Farðu að vinna einhverja titla sem skipta einhverju máli og þá förum við að tala saman. Þegar þú ert búinn að vinna nokkra af þeim mikilvægu, þá geturðu kannski setið við sama borð og Cristiano. Í mínum augum, Cristiano þá ertu bestur og verður alltaf bestur í heimi."
Van Dijk útskýrði ummæli sín á Twitter er hann svaraði Piers Morgan. Hann sagðist hafa verið að grínast.
„Ef þú myndir hlusta á allt viðtalið þá myndirðu vita að ég var að grínast, og ég ber ekkert nema virðingu fyrir þessum tveimur," sagði Van Dijk.
Hi Piers, If you don’t jump on the social media bandwagon and would listen to the whole interview then you would know I made a joke, and only got respect for those 2 😀
— Virgil van Dijk (@VirgilvDijk) December 2, 2019
Athugasemdir
