Onana var hjá Ajax í sjö og hálft ár og spilaði 214 leiki í öllum keppnum fyrir hollenska stórliðið.

Hann missti sæti sitt í liðinu í febrúar í fyrra þegar hann fékk tólf mánaða bann eftir að hafa fallið á lyfjaprófi. Bannið var síðar stytt í níu mánuði eftir áfrýjun.

Onana hjálpaði Kamerún að vinna bronsverðlaun í Afríkukeppninni sem gestgjafar fyrr á árinu. Hann verður væntanlega aðalmarkvörður landsliðsins á HM í Katar seinna á árinu.

Onana neitaði að gera nýjan samning við Ajax og spilaði aðeins tíu aðalliðsleiki á síðasta tímabili. Hann verður fjórði Kamerúninn sem spilar fyrir Inter, á eftir Pierre Wome, Daniel Maa Boumsong og Samuel Eto'o.

Inter hafnaði í öðru sæti í ítölsku A-deildinni á síðasta tímabili, tveimur stigum á eftir erkifjendunum í ACC Milan. Inter hefur verið duglegt að styrkja sig í sumar, fékk Romelu Lukaku á láni frá Chelsea og keypti Kristjan Asllani frá Empoli.