Timothy Fosu-Mensah, leikmaður Bayer Leverkusen í Þýskalandi, spilar ekki meira með liðinu á þessari leiktíð eftir að hann reif liðbönd í hné í 2-1 tapinu gegn Freiburg á dögunum.

Fosu-Mensah, sem er 23 ára gamall, gekk til liðs við Leverkusen frá Manchester United í janúar en hann hafði spilað með United í fimm ár.

Hann meiddist illa gegn Freiburg á sunnudag og staðfesti Leverkusen í gær að leikmaðurinn verður frá út tímabilið eftir að han reif liðbönd í hné.

Hann mun að öllum líkindum missa af tækifærinu að spila með hollenska landsliðinu á Evrópumótinu í sumar en þetta er í annað sinn á ferlinum sem hann meiðist illa.

Fosu-Mensah meiddist á hné er hann var á láni hjá Fulham frá Man Utd í apríl árið 2019. Hann missti af stórum hluta síðasta tímabils með United vegna meiðslana.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit