Hákon, sem er 18 ára, gekk til liðs við FCK árið 2019 en hann er uppalinn hjá ÍA á Akranesi. Hann hefur verið að standa sig frábærlega með unglingaliðum félagsins, rétt eins og Orri Steinn Óskarsson hefur verið að gera.

FCK er stærsta félag Danmerkur en liðið er þessa stundina í þriðja sæti dönsku úrvalsdeildarinnar.

Íþróttablaðamaðurinn Rasmus Eghøje greinir frá því á Twitter að hann sé gríðarlega spenntur fyrir því að sjá Hákon með aðalliðinu.

„Til allra ykkar sem sögðuð við mig að Hákon Haraldsson myndi ekki vera í aðalliðshópnum í ár, skammist ykkar. Þið megið vera spennt ef hann kemur inn á völlinn. Þessi Íslendingur er fáránlega góður. Þið sem hafið fylgt honum eftir vitið hvað hann getur," skrifaði sá danski í kvöld.

Hægt er að lesa viðtal við Hákon með því að smella hérna.