Bamford og Ayling snúa aftur

„Það er líklegt að þeir verði með á sunnudaginn. Pascal Struijk fékk högg á mjöðm en við teljum að hann verði líka leikfær," segir Bielsa.

Hann var spurður út í mikilvægi sóknarmannsins Bamford.

„Mörkin hans tala fyrir sig sjálf. En þó hann skori ekki þá er hann líka mikilvægur í okkar kerfi," segir Bielsa.

Á fréttamannafundinum hafnaði Bielsa líka því algjörlega að samband hans og miðjumannsins Kalvin Phillips væri eitthvað slæmt um þessar mundir. Þær sögusagnir hafa verið í enskum fjölmiðlum en Bielsa segir þær vera uppspuna frá rótum.

Leeds vann mikilvægan sigur í vikunni og er nú fimm stigum fyrir ofan fallsæti.