Ítalía: Góð endurkoma hjá Roma - Þægilegur sigur Fiorentina

Mourinho var ósáttur við frammistöðu margra leikmanna í Evrópudeildinni á dögunum og kallaði hana yfirborðskennda, en þeir voru staðráðnir í að gera betur í dag.

Roma lenti 1-0 undir á 25. mínútu en gestirnir frá Róm jöfnuðu er Paulo Dybala skoraði af vítapunktinum fimmtán mínútum fyrir leikslok. Sassuolo spilaði manni færri síðasta hálftímann eftir að Daniel Boloca fékk að líta rauða spjaldið og nýtti Roma sér það til fulls.

Rasmus Kristensen skoraði sigurmarkið á 82. mínútu með skoti sem fór af varnarmanni og í netið. Roma er í 5. sæti með 24 stig en Sassuolo í 15. sæti með 15 stig.

Fiorentina vann öruggan 3-0 sigur á Salernitana. Lucas Beltran, Riccardo Sottil og Giacomo Bonaventura gerðu mörkin og komu Flórensarliðinu í 6. sæti deildarinnar.

Úrslit og markaskorarar:

Fiorentina 3 - 0 Salernitana
1-0 Lucas Beltran ('6 , víti)
2-0 Riccardo Sottil ('17 )
3-0 Giacomo Bonaventura ('56 )

Lecce 1 - 1 Bologna
0-1 Charalampos Lykogiannis ('68 )
1-1 Roberto Piccoli ('90 , víti)

Sassuolo 1 - 2 Roma
1-0 Matheus Henrique ('25 )
1-1 Paulo Dybala ('76 , víti)
1-2 Rasmus Kristensen ('82 )
Rautt spjald: Daniel Boloca, Sassuolo ('63)

Udinese 3 - 3 Verona
1-0 Christian Kabasele ('16 )
2-0 Lorenzo Lucca ('30 )
2-1 Milan Djuric ('37 , víti)
2-2 Cyril Ngonge ('61 )
3-2 Lorenzo Lucca ('72 )
3-3 Thomas Henry ('90 )