Hugmyndin er að halda fánanum yfir lögregluborðanum sem aðskilur stuðningsmannasvæði Liverpool og Everton til að sýna samheldnina í borginni. Tvö félög, ein borg.

Fólk um allan heim, og þá sérstaklega í Liverpool, er ósátt með hvernig Hillsborough málið hefur verið höndlað. Stuðningsmönnum var kennt um dauðsföllin á sínum tíma en Liverpool-búar telja að sökin liggi hjá lögreglunni.

Fyrir rúmum tveimur árum voru 6 menn innan lögreglunnar kærðir fyrir sinn þátt í harmleiknum, meðal annars David Duckenfield fyrrum yfirmaður lögreglunnar í Suður-Jórvíkurskíri. Duckenfield hafði yfirumsjón með löggæslu í kringum leikinn og var kærður fyrir manndráp af gáleysi.

Hinn 75 ára gamli Duckenfield var sýknaður fyrir nokkrum dögum, í lok nóvember, og hefur sá dómur ekki farið vel í borgarbúa. Þess vegna hafa þeir ákveðið að mæta með sameiginlegan fána.