Halldór Smári Sigurðsson, varnarmaður Víkings, gerði tilkall til að fá vítaspyrnu snemma í fyrri hálfleiknum í 3-2 tapi liðsins gegn Malmö í forkeppni Meistaradeildar Evrópu í kvöld, en fékk ekki.
Lestu um leikinn: Malmö 3 - 2 Víkingur R.
Atvikið átti sér stað á 24. mínútu en boltinn barst inn í teig eftir hornspyrnu og reyndi Halldór Smári að skalla hann en þá mætti honum varnarmaður Malmö og sparkaði í höfuð Halldórs.
Dómari leiksins sá ekkert athugavert við þetta eins og svo margt annað í leiknum en ekki var hægt að skoða atvikið aftur þar sem VAR er ekki notað á þessu stigi keppninnar.
Já, dómarinn sá þetta örugglega ekki því hann var aðeins 3 metrum frá pic.twitter.com/KIf1qzOics
— JS (@JonStefan12) July 5, 2022
Eins og sést í myndbandinu hér fyrir ofan þá fer hann augljóslega takkana aftan í hálsinn en ekkert dæmt.
Þá birtir Pétur Mikael mynd á Twitter eftir leikinn og sýnir áverkana sem Halldór fékk eftir atvikið en þá mynd má sjá hér fyrir neðan.
Ekki pen??? Ók #eurovikes pic.twitter.com/HiguOI5tLD
— Pétur Mikael (@pesimikk) July 5, 2022
Athugasemdir