Granit Xhaka, leikmaður Arsenal, baðst í kvöld afsökunar á marki sem Burnley skoraði í leik liðanna í ensku úrvalsdeildinni.
Arsenal þurfti að sætta sig við 1-1 jafntefli gegn Burnley en liðið komst yfir með marki frá Pierre-Emerick Aubameyang.
Xhaka gerði svo slæm mistök undir lok fyrri hálfleiks sem varð til þess að Chris Wood jafnaði metin fyrir Burnley.
Xhaka átti afar slaka sendingu sem fór í Wood og þaðan í netið en hann reyndi að finna samherja sinn David Luiz.
Miðjumaðurinn notaði samskiptamiðla í kjölfarið þar sem hann baðst afsökunar á þessum mistökum.
„Svona er fótboltinn og ég er alveg jafn pirraður og þið öll," sagði Xhaka á meðal annars.
"I hold my hands up for their goal and I'm sorry for the mistake. That's football and right now I feel just as frustrated as all of you."
— Arsenal (@Arsenal) March 6, 2021
📱 Granit Xhaka on Instagram | #BURARS pic.twitter.com/keRsDVXR7f
Athugasemdir