Lamptey er 21 árs gamall og mála hjá Brighton í ensku úrvalsdeildinni en hann er fæddur og uppalinn á Englandi.

Englendingurinn hefur spilað með öllum yngri landsliðum Englands en sá ekki fyrir sér að fá tækifæri þar í framtíðinni enda offramboð á hæfileikaríkum hægri bakvörðum.

Foreldarar Lamptey eru frá Gana og á hann því ættir sínar að rekja þangað.

Fótboltasamband Gana hafði samband við Lamptey um að koma að spila með landsliði þeirra og hefur hann íhugað það boð síðustu mánuði en hann hefur nú tekið ákvörðun um að skipta.

Sú ákvörðun var staðfest í dag og getur hann því spilað fyrir Gana á HM í Katar síðar á þessu ári.

Spænski sóknarmaðurinn Inaki Williams er einnig búinn að fá sín skipti í gegn en hann hefur verið einn besti leikmaður Athletic Bilbao síðustu ár.