Elísa Lana þreytti frumraun sína með Kristianstad
Diljá Ýr Zomers og stöllur hennar í Brann unnu öruggan 3-0 sigur á fallbaráttuliði Roa í norsku úrvalsdeildinni í dag.
Landsliðskonan byrjaði á bekknum í dag en kom inn á þegar hálftími var eftir.
Brann mætir næst Manchester United í mikilvægu einvígi um laust sæti í deildarkeppni Meistaradeildarinnar.
María Catharina Ólafsdóttir Gros byrjaði hjá Linköping sem tapaði fyrir Växjö, 2-1, í sænsku úrvalsdeildinni. Linköping er í 13. sæti með 11 stig.
Alexandra Jóhannsdóttir, Guðný Árnadóttir og Elísa Lana Sigurjónsdóttir komu allar við sögu er Kristianstad gerði 1-1 jafntefli við Häcken.
Alexandra og Guðný byrjuðu leikinn hjá Kristianstad en Elísa Lana, sem kom frá FH á dögunum, kom inn af bekknum í fyrsta leik sínum.
Fanney Inga Birkisdóttir sat allan tímann á varamannabekk Häcken. Staðan í deildinni er þannig að Häcken er í 3. sæti með 37 stig en Kristianstad í 5. sæti með 27 stig.
Bergrós Ásgeirsdóttir byrjaði hjá Aarau sem gerði 1-1 jafntefli við Luzern í svissnesku deildinni. Aarau er með eitt stig eftir tvær umferðir.
Athugasemdir
