Leikurinn var gríðarlega fjörugur þar sem menn voru augljóslega ekki að spila upp á jafnteflið, en lokatölur urðu 3-3 eftir að heimamenn í liði Magna höfðu komist í 3-1 forystu. Gunnar Darri Bergvinsson var besti maður vallarins, hann skoraði öll þrjú mörk heimamanna.

Bæði lið eru svo gott sem komin upp um deild eftir jafnteflið. Grenvíkingar eru stærðfræðilega öruggir á meðan Mosfellingar þurfa að glata þrettán marka forystu í lokaumferðinni til að missa af öðru sætinu.

Augnablik er í þriðja sæti eftir stórsigur á útivelli gegn KFK. Kópavogsstrákar taka á móti KF í lokaumferðinni og þurfa líklegast meira en tíu marka sigur þar til að eiga möguleika á að stela öðru sætinu af Hvíta riddaranum.

Í fallbaráttunni tókst Ými að bjarga sér með frábærum sigri á útivelli gegn KV. Ýmismenn komust í fjögurra marka forystu þar sem Björn Ingi Sigurðsson setti þrennu, en lokatölur urðu 3-5 fyrir Ými.

KFK, Sindri og KF geta enn fallið fyrir lokaumferðina. Sindri á leik til góða á hin tvö liðin, á útivelli gegn Árbæ á morgun.

KFK 1 - 6 Augnablik
0-1 Viktor Andri Pétursson ('19 )
0-2 Júlíus Óli Stefánsson ('41 )
0-3 Þorbergur Úlfarsson ('62 )
0-4 Þorbergur Úlfarsson ('70 )
1-4 Olsi Tabaku ('72 )
1-5 Orri Bjarkason ('74 )
1-6 Freyr Snorrason ('78 )
Rautt spjald: Sigurður Orri Magnússon , KFK ('90)

KV 3 - 5 Ýmir
0-1 Björn Ingi Sigurðsson ('3 )
0-2 Reynir Leó Egilsson ('8 )
0-3 Björn Ingi Sigurðsson ('32 )
0-4 Björn Ingi Sigurðsson ('47 )
1-4 Samúel Már Kristinsson ('68 )
1-5 Emil Skorri Þ. Brynjólfsson ('70 )
2-5 Samúel Már Kristinsson ('79 )
3-5 Tristan Alex Tryggvason ('90 )

Magni 3 - 3 Hvíti riddarinn
1-0 Gunnar Darri Bergvinsson ('8 )
1-1 Rikharður Smári Gröndal ('18 )
2-1 Gunnar Darri Bergvinsson ('29 )
3-1 Gunnar Darri Bergvinsson ('51 )
3-2 Hilmar Þór Sólbergsson ('59 )
3-3 Birkir Örn Baldvinsson ('89 )

KF 0 - 3 Reynir S.
0-1 Jordan Smylie ('40 )
0-2 Sigurður Orri Ingimarsson ('57 )
0-3 Ólafur Darri Sigurjónsson ('69 )

ÍH 2 - 9 Tindastóll
1-0 Viktor Örn Guðmundsson ('5 )
1-1 Svetislav Milosevic ('8 )
2-1 Brynjar Jónasson ('40 )
2-2 Manuel Ferriol Martínez ('45 )
2-3 Kolbeinn Tumi Sveinsson ('50 , Mark úr víti)
2-4 Arnar Ólafsson ('53 )
2-5 Arnar Ólafsson ('62 )
2-6 Arnar Ólafsson ('65 )
2-7 Jóhann Daði Gíslason ('80 )
2-8 Kolbeinn Tumi Sveinsson ('89 )
2-9 Svetislav Milosevic ('90 )