Albert yfirgaf völlinn á hækjum og fer ekki með til Frakklands

Albert Guðmundsson meiddist þegar hann skoraði gegn Aserbaídsjan í gær og verður ekki með gegn Frakklandi á Prinsavöllum á þriðjudaginn.

Albert sneri á ökkla og yfirgaf Laugardalsvöll á hækjum. Hann ferðast ekki með íslenska liðinu til Frakklands en ekki hafa borist fréttir af því hversu lengi hann verður frá.

Hann snýr nú aftur til félagsliðs síns, Fiorentina á Ítalíu.

Ekki hefur verið tekin ákvörðun um hvort annar leikmaður verði kallaður upp í íslenska hópinn fyrir leikinn gegn Frökkum.