Helgi Guðjónsson er kominn á blað í Pepsi Max-deildinni þetta sumarið. Hann byrjaði óvænt ekki í fyrsta leik gegn Keflavík um síðustu helgi og Arnar Gunnlaugsson bað hann afsökunar á því.
Helgi skoraði eftir um 55 sekúndur gegn ÍA í dag eftir darraðadans inn á vítateig Skagamanna eftir hornspyrnu. Helgi fékk boltann í sig og boltinn fór í netið.
Helgi skoraði eftir um 55 sekúndur gegn ÍA í dag eftir darraðadans inn á vítateig Skagamanna eftir hornspyrnu. Helgi fékk boltann í sig og boltinn fór í netið.
Ólafur Jóhannesson, þjálfarinn reyndi, er í setti hjá Stöð 2 Sport og setti eina athugasemd við hann inn á vellinum.
„Ég set spurningamerki við að hann sé í vettlingum, mér finnst það helvíti dapurt," sagði Óli léttur.
„Helgi Guðjónsson var á bekknum í fyrstu umferð og fékk afsökunarbeiðni frá þjálfaranum. Hann var rétt um 50 sekúndur að þakka traustið og koma Víkingum yfir. Pablo Punyed tók hornspyrnu og eftir klafs í teignum barst boltinn á Helga og þaðan fór hann í markið. Jóhannes Karl Guðjónsson þjálfari skagamanna mótmælir," skrifaði Hafliði Breiðfjörð í beinni textalýsingu.
Staðan er 0-1 fyrir Víking í hálfleik og seinni hálfleikur er að hefjast.
Athugasemdir