„Kaj Leo í Bartalsstofu semur við Val til næstu þriggja ára. Kaj Leo hefur leikið hér á landi undanfarin ár með ÍBV og FH en þar á undan lék hann með Víking í Færeyjum, Levanger í Noregi og Dinamo Búkarest í Rúmeníu. Kaj Leo hefur átt fast sæti í færeyska landsliðinu undanfarin ár þar sem hann hefur leikið 17 leiki," segir í tilkynninu Valsmanna.

„Valur lýsir yfir ánægu með samningin við Kaj Leo enda á ferðinni skemmtilegur leikmaður sem á eftir að nýtast Val í þeirri baráttu sem framundan er."

Kaj Leo var öflugur á vængnum hjá Eyjamönnum í sumar og skoraði 3 mörk í 22 leikjum.

Í síðustu viku fengu Valsmenn Birni Snæ Ingason til sín frá Fjölni. Orðrómur er í gangi um að Dion Acoff gæti yfirgefið Valsmenn og spilað utan Íslands á næsta tímabili.

Fyrr í vikunni var fjallað um að Breiðablik hefði áhuga á að fá Kaj Leo en Valsmenn unnu baráttuna um hann.

KAJ LEO Í BARTALSSTOVU SEMUR VIÐ VAL

Kaj Leo í Bartalsstofu semur við Val til næstu þriggja ára #valurfotbolti #valur #fotboltinet #fotboltinetRT #433_is #ruvithrottir #ksi Meira: https://t.co/dB6Vti3NZd pic.twitter.com/k9YyIz3nhR

— ValurFotbolti (@Valurfotbolti) November 9, 2018