Freiburg, sem hefur byrjað tímabilið vel, tapaði fyrir Leipzig en liðið lenti á vegg í kvöld.

Frönsku leikmennirnir Mohamed Simakan og Christopher Nkunku skoruðu fyrstu tvö mörkin með tveggja mínútna millibili í síðari hálfleiknum áður en Lukas Kubler minnkaði muninn. Sænski sóknartengiliðurinn Emil Forsberg gerði svo þriðja markið úr vítaspyrnu tólf mínútum fyrir leikslok.

Union Berlin gerði á meðan 2-2 jafntefli við Augsburg, en öll mörkin voru skoruð í fyrri hálfleiknum. Union og Freiburg eru fjórum stigum á eftir toppliði Bayern.

Bayer Leverkusen lagði Köln. 2-1, á meðan Eintracht Frankfurt vann góðan 4-2 sigur á Hoffenheim. Schalke vann þá óvæntan 1-0 sigur á Mainz. Þetta var annar sigur Schalke í deildinni en liðið er áfram á botninum með 9 stig.

Úrslit og markaskorarar:

RB Leipzig 3 - 1 Freiburg
1-0 Mohamed Simakan ('54 )
2-0 Christopher Nkunku ('56 )
2-1 Lukas Kubler ('66 )
3-1 Emil Forsberg ('78 , víti)

Union Berlin 2 - 2 Augsburg
1-0 Sheraldo Becker ('7 )
1-1 Florian Niederlechner ('8 )
2-1 Kevin Behrens ('22 )
2-2 Florian Niederlechner ('39 )

Koln 1 - 2 Bayer
1-0 Benno Schmitz ('30 )
1-1 Nadiem Amiri ('65 )
1-2 Moussa Diaby ('71 )

Eintracht Frankfurt 4 - 2 Hoffenheim
1-0 Djibril Sow ('6 )
2-0 Randal Kolo Muani ('8 )
3-0 Eric Ebimbe ('29 )
3-1 Christoph Baumgartner ('37 )
3-2 Ozan Kabak ('46 )
4-2 Jesper Lindstrom ('56 )

Schalke 04 1 - 0 Mainz
1-0 Simon Terodde ('10 )