Ronaldo gekk til liðs við Manchester United frá Sporting árið 2003 en hann þótti þá einn efnilegasti leikmaður heims.

Portúgalski leikmaðurinn kryddaði ensku úrvalsdeildina með hæfileikum sínum og færni hans með boltann en hann fékk þó oft að finna fyrir hörkunni á Englandi.

United keypti Daniel James frá Swansea í sumar en Giggs segir líkindi með James og Ronaldo.

„Dan er oft sparkaður niður en hann stendur alltaf upp og biður aftur um boltann. Þegar Ronaldo var ungur þá var hann oft sparkaður niður en bað samt alltaf aftur um boltann og það sýnir mikið hugrekki," sagði Giggs.

„Dan er frábær karakter og er atvinnumaður. Það er mikil harka í leiknum og maður verður að treysta dómurum fyrir því að vernda leikmenn. Framherjar eru að fá meiri vernd frá dómurum upp á síðkastið en það eru þó nokkrir leikmenn sem fá grófa meðferð vegna hæfileika þeirra," sagði hann í lokin.