Fótboltastjarnan Mesut Özil æfði með Istanbul Basaksehir í gær en liðið er að búa sig undir seinni leikinn gegn Breiðabliki í Sambandsdeildinni.

Özil er að stíga upp úr meiðslum og kemur ekki við sögu í leiknum í Istanbúl í kvöld en hann var ekki skráður í leikmannahóp liðsins fyrir einvígið.

Özil er 33 ára og gekk í raðir félagsins í sumar. Hann varð heimsmeistari með Þýskalandi 2014 og hefur einnig lyft bikurum með Arsenal og Real Madrid.

Það er erfitt verkefni sem bíður Blika en Istanbúl vann 3-1 útisigur í síðustu viku þegar liðin mættust í Kópavogi.