Æfingaleikur: Pétur með þrennu í sigri Gróttu

ÍR tók á móti Gróttu í æfingaleik í Egilshöll í gærkvöldi. Jafnræði var með liðunum í fyrri hálfleik og ekkert skoraði.

Grótta var hins vegar mun sterkari aðilinn í þeim síðari og skoraði Pétur Theodór Árnason þrennu og tryggði Gróttu sigur.

Þetta var fyrsti sigur Gróttu undir stjórn Ágústs Gylfasonar en liðið tapaði öllum þremur leikjum sínum í Bose-mótinu.

Grótta er nýliði í Pepsi Max-deildinni fyrir næsta tímabil en Pétur skoraði fimmtán mörk og hjálpaði liðinu að komast upp. ÍR hafnaði í sjöunda sæti 2. deildar síðasta sumar.