Lykilleikmenn eins og Ásgerður Stefanía Baldursdóttir, Lára Kristín Pedersen, Ana Victoria Cate og Þórdís Hrönn Sigfúsdóttir hafa yfirgefið félagið og þá er það ljóst að Harpa Þorsteinsdóttir, Telma Hjaltalín Þrastardóttir og Katrín Ásbjörnsdóttir munu missa af næstu leiktíð. Harpa og Telma eru með slitið krossband, en Katrín er ólétt.

Stjarnan hefur samið við Helgu Guðrúnu Kristinsdóttur og Maríu Sól Jakobsdóttur frá Grindvík, Sóley Guðmundsdóttur frá ÍBV, Elín Helgu Ingadóttur frá Haukum og þá hafa þrír leikmenn komið frá FH. Þetta eru Jasmín Erla Ingadóttir, Birta Georgsdóttir og Diljá Ýr Zomers.

FH féll úr Pepsi-deildinni en fjórði leikmaðurinn gæti verið á leiðinni frá FH í Stjörnuna. Arna Dís Arnþórsdóttir spilaði allan leikinn fyrir Stjörnuna í 3-1 tapi gegn HK/Víkingi í Faxaflóamótinu síðastliðinn fimmtudag.

Arna er uppalin hjá Breiðabliki en hún spilaði með FH síðasta sumar. Hún lék níu leiki í Pepsi-deildinni fyrir Fimleikafélagið.

Það verður spennandi að sjá hvað gerist hjá Stjörnunni á næstu mánuðum fyrir mót. Stjarnan endaði í þriðja sæti Pepsi-deildarinnar á síðasta tímabili.