Kvennalið Stjörnunnar er í sóttkví eftir að hafa komið úr æfingaferð frá Spáni í gær.
Spánn er það land í Evrópu sem hefur komið næst-verst út úr kórónuveirunni á eftir Ítalíu. Spænsk stjórnvöld hafa tilkynnt að 15 daga útgöngubann taki gildi í landinu á morgun.
Stjörnukonur og þeir starfsmenn sem fóru með liðinu í æfingaferðina eru nú farin í sóttkví í tvær vikur.
Keppni í Pepsi Max-deild kvenna á að hefjast í lok apríl, en það er spurning hvort það gangi eftir. Mikil óvissa er í gangi að sökum kórónuveirunnar.
Síðasta föstudag ákvað stjórn KSÍ á fundi sínum að öllum leikjum á vegum sambandsins sem og landsliðsæfingum og tengdum viðburðum, yrði frestað næsta mánuðinn.
Samkomubann á Íslandi tekur gildi á miðnætti.
Athugasemdir