Benitez var rekinn frá Real Madrid 2016 og tók hann óvænt skref eftir það. Hann fór til Newcastle í fallbaráttuna á Englandi. Newcastle féll en Benitez hélt áfram. Hann kom Newcastle upp og er núna að halda liðinu uppi aðra leiktíðina í röð.

„Það er hægt að segja það að við verðum úrvalsdeildarlið á næsta tímabili, þetta var góð liðsframmistaða og góð þrjú stig," sagði Perez eftir sigur á Leicester á föstudag. Perez skoraði sigurmarkið í leiknum.

Newcastle er 10 stigum frá fallsæti þegar lítið er eftir af tímabilinu.

Stjórinn veit hvað hann syngur
„Liðið hefur gert góða hluti en með öðrum stjóra hefðum við kannski lent í meiri vandræðum. Við verðum að gera það sem stjórinn segir vegna þess að hann hefur verið lengi í þessum bransa og veit hvað hann syngur."

Samningur Benitez rennur út eftir tímabilið og óljóst er hvort hann verði áfram.