Kári Árna: Stóðust margir prófið

<i>„Þetta var hörkuleikur. Það er verið að skoða unga stráka og sjá úr hverju þeir eru gerðir. Þeir stóðust margir prófið,"</I> sagði Kári Árnason, varnarmaður íslenska landsliðsins, eftir 1-0 sigur á Kanada í vináttuleik í nótt.

Fimm leikmenn spiluðu sinn fyrsta landsleik með íslenska landsliðinu í nótt og Kári var ánægður með nýju mennina.

<i>„Þeir voru fylgnir sér og svo framvegis. Það vantar aðeins upp á leikskipulagið þegar nýtt lið kemur saman. Við áttum í smá basli með þá, í seinni hálfleik aðallega. Það er mjög eðlilegt. Við þurfum að stilla saman strengi og bæta ofan á þetta en það var gaman að sjá hvað þeir voru fastir fyrir og skiluðu sínu mjög vel."</I>

Ísland spilar annan vinaáttuleik í Bandaríkjunum á sunnudaginn en þá leikur liðið við El Salvador.

<i>„Það væri gaman að sjá sem flesta spila og sjá úr hverju menn eru gerðir,"</I> sagði Kári.

Hér að neðan má sjá viðtalið í heild sinni frá KSÍ.