KA og Fram skildu jöfn 2-2 á nýjum heimavelli KA á Akureyri í kvöld. KA lenti tveimur mörkum yfir en náði að jafna metin með tveimur mörkum á síðustu 10 mínútunum. Arnar Grétarsson þjálfari KA segir að tilfinningin sé blendin.
Lestu um leikinn: KA 2 - 2 Fram
„Við komum allavega til baka og náðum stigi en ef við förum yfir leikinn frammistöðu lega séð þá held ég að við höfðum verið mun betra liðið frá upphafi til enda. Þetta var svolítið stöngin út en stöngin inn fyrir þá, skora tvö stórglæsileg mörk."
„Það er erfitt að lenda 2-0 undir en ég er virkilega ánægður með vinnusemina og dugnaðinn í strákunum, þeir hætta ekki."
Arnari fannst sýnir menn gefa Fram liðinu færin sem mörkin komu en tekur þó ekkert af Tiago og Fred sem áttu frábær skot.
„Þetta er bara fótbolti, eitt skiptið eru þeir bara að senda boltann út og þeir lesa það bara. Seinna markið var Danni að reyna snúa en tapar boltanum. Það var svekkjandi því við viljum ekki að menn séu að snúa með boltann á þessu svæði," sagði Arnar.
Viðtalið í heild sinni má sjá í spilaranum hér fyrir ofan.