Leonardo Spinazzola.
Bakvörðurinn fjölhæfi Leonardo Spinazzola átti að fara til Inter í skiptum fyrir framherjann knáa Matteo Politano.
Umboðsmenn beggja leikmanna hafa staðfest að ekkert verði úr skiptunum.
Sagt er að Inter hafi reynt að gera breytingar á samkomulaginu og þar með hafi viðræður runnið út í sandinn á síðustu metrunum.
Umboðsmenn beggja leikmanna hafa staðfest að ekkert verði úr skiptunum.
Sagt er að Inter hafi reynt að gera breytingar á samkomulaginu og þar með hafi viðræður runnið út í sandinn á síðustu metrunum.
Leikmennirnir fóru í læknisskoðanir í vikunni en Inter vildi að frekari skoðanir yrðu gerðar á Spinazzola. Læknateymi félagsins ku hafa efasemdir en leikmaðurinn hefur verið talsvert mikið á meiðslalistanum.
Báðir eru leikmennirnir metnir á tæpar 30 milljónir evra og hafa sannað sig í efstu deild á Ítalíu á undanförnum árum. Þeir eru báðir 26 ára gamlir og eiga A-landsleiki að baki fyrir Ítalíu.
Athugasemdir
