Rúnar Þór Sigurgeirsson var frábær þegar Keflavík vann Lengjudeildina í fyrra.
Hinn 21 árs gamli Rúnar Þór hefur vakið athygli síðustu tvö tímabil með Keflavík í Lengjudeildinni.
Hann verður með liðinu í Pepsi Max-deildinni, að minnsta kosti eru miklar líkur á því þrátt fyrir áhuga erlendis. Hann fór til reynslu hjá Sirius í Svíþjóð eftir síðasta tímabil og kom það fram í hlaðvarpsþættinum Dr Football að það hefði borist tilboð í hann en því hefði verið hafnað.
„Þeir fengu tilboð í hann um daginn en höfnuðu því, frá Sirius," sagði Hrafnkell Freyr Ágústsson.
„Allt uppspil og sóknarleikur, hann er rosalega kröftugur. Ef hann hefði til dæmis verið í Val eins og Valgeir Lunddal, þá hefði hann ekki verið verri," sagði Einar Orri Einarsson, leikmaður Njarðvíkur og fyrrum leikmaður Keflavíkur.
Sjá einnig:
Rúnar Þór: Alltaf gaman að fá áhuga frá svona félögum
Athugasemdir