Portúgalski miðjumaðurinn Renato Sanches er ósáttur með spiltíma sinn hjá FC Bayern og vill halda á önnur mið.
Hann segist vera óánægður með að honum sé ekki hleypt í burtu frá félaginu.
„Þetta er ekki góð staða fyrir mig. Þetta er í annað sinn sem ég vil ganga til liðs við annað félag en mér er ekki hleypt burt," sagði Sanches í viðtali við Sport1 í gær.
„Fimm mínútur eru ekki nóg fyrir mig."
Sanches fékk aðeins sex mínútur í 2-2 jafntefli gegn Hertha Berlin í gær og gaf þetta viðtal eftir leikinn. Hann spilaði 62 mínútur í sigri á Energie Cottbus í bikarnum og 21 mínútu í 2-0 tapi gegn Borussia Dortmund í leiknum um Ofurbikarinn.
Talið er að Tomas Tuchel hafi áhuga á að fá hann til PSG:
Sanches verður 22 ára á morgun. Hann hefur spilað fyrir Benfica og Swansea auk Bayern og á 18 A-landsleiki að baki fyrir Portúgal. Hann lék hlutverk er Portúgalir hömpuðu Evrópumeistaratitlinum í Frakklandi 2016.
Sanches kom við sögu í 17 deildarleikjum á síðustu leiktíð, einum bikarleik og sex Meistaradeildarleikjum.
Athugasemdir