Hákon Arnar Haraldsson opnaði markareikninginn á tímabilinu með því að skora annað mark Lille í 1. umferð frönsku deildarinnar í dag.
Lille er að spila fyrsta leik sinn á tímabilinu og komst liðið yfir snemma leiks er reynsluboltinn Olivier Giroud lagði boltann neðst í hægra hornið eftir undirbúning Felix Correia.
Fimmtán mínútum síðar skoraði Hákon annað mark Lille. Hann pressaði á hægri bakvörð Brest, vann boltann og keyrði síðan fram völlinn áður en hann afgreiddi boltann snyrtilega í vinstra hornið.
Landsliðsmaðurinn kominn á blað og Lille með tveggja marka forystu þegar hálftími er búinn af þessum leik.
Sjáðu pressuna og markið hjá Hákoni
Athugasemdir
